مطعم التنور الصيني المطعم بالدور الثاني ، عندهم جلسات للعوائل بساتر وخصوصيه تامه ، وباحجام مناسبه على حسب العدد، جلسات للأفراد، دورات مياه
المنيو عندهم منوع بشكل كبير، اسعارهم معقوله ، جربت اصناف مختلفه واغلبها لذييذه
الطلبات + السعر شوربة توم يوم ~ 20 رز بالخضار ~ 23 تبنياكي دجاج ~ 50 كيندو سمك 36 🍒 🍒 التقييم : 10/7
المطعم في جلسات للعوائل ببارتيشن وساتر بخصوصيه تامه 👌🏻، بالإضافه لاحجام مختلفه للجلسات حسب العدد
عندهم جلسات افراد برضوا ، ودورات مياه حالياً ماعندهم توصيل ، عندهم بوفيهات خارجيه لمناسباتكم ، اما بعدد الاشخاص ولها قائمة معينه ، او نفس نظام طلبات المطعم
________________
نجي للأكل ، الشيف شاطر مرا ماشاء الله وشغله بطل وسريع 👌🏻، جربت اصناف كثيره وكلها كويسه مع بعض الملاحظات طبعاً
_________________
تبانياكي شريمب ب: 60 ريال ، من ألذ الاطباق اللي ذقتها عندهم الصوص لذيذ مرا والجمبري معطيه نكهه لازم تجربوه 👌🏻❤️❤️
______________
فيليه سمك بالسمسم “كيندو” ب: 32 ريال ،كمية السمك معقوله فيه صويا صوص ، عجبني برضوا 👌🏻
____________
دجاج بالشطه الناشفه والثوم ب: 20 ريال ، ماحسيت بطعم الثوم ابداً ، كويس طعموا لكن مافيه حاجه مختلفه عن الباقي
لحم بالخضار والشطه “سيشوان” ب:30 ريال
، جيد ومطبوخ كويس
مكرونه مشكله ب: 20 ريال ،
ذا الطبق بالذات بطللل لازم لاازم تطلبوه مرا لذيذ وطعم الصوص والخضار شي رهييب 🤤
.
.
رز مقلي بالثوم ، و بالخضار / نفس الشي ماحسيت بنكهة الثوم ، كانت عندي ملاحظات على نوعية الرز ووصلتها للشيف وحيعدلوا عليها
الشوربات عندهم لذييذه ،
وبالذات التوم يوم ب: 15 ريال ، فيها فلفل شويا ، عشبة الليمون معطيتها طعم رهييب 👌🏻،
والشوربه الحاره والحامضه ب: 10 ريال ، ماذقتها بس امي حبتها .
.
بالنسبه لي حكرر الزياره اكيد عجبي المطعم و الاكل كمان ✨
جميع الحقوق محفوظة لموقع افضل المطاعم السعودية © 2024 - Privacy Policy - اعلن معنا
