اسعد الله مسائكم كيف حالكم ؟
اليوم حبينا نغير ونجيب سمك وجبتو من الجدعاني للاسماك
طلبت نوعين شعور وهامور .
سمك الشعور والهامور بنسبه للملح ماهم مالحين
زي اغلب مطاعم السمك يحطو الملح زايد عشان يشيلو زناخه السمك
لا كان ملحهم كويس ومافيه زناخه ، وكرسبي مرا وطري من جوا حبيتو
وبنتعامل معاهم من زمان ، من ناحيه الانتظار احنا ندق عليهم ونحجزو
والوقت الي نقولو لهم يكونو فعلا مخلصين فيه دقه في الوقت ولذيذ
من ناحية السعر زي اي مكان معروف السمك غالي شوية
كيلو هامور ب 100 ريال وتجي حبتين متوسطه الحجم
الشعور الكيلو ب 70 ريال وتجي نوعا متوسطه لصغيره
اما بنسبه لرز الصياده 5 ريال للنفر
الرز نثري ماهو لين بحباتو البهارات معتدلة مو زايده وماهو مر
المرار في رز الصيادية عادتا يكون زياده لطبخ البصل وتحميرو زياده عن اللزوم
والسلطات سلطه الحمر سيئه مخففه مرا ودقوس الفلفل كان برضو خفيف من ناحيه كم اديلو فاديلو 10/8.5
ملاحظه : (كميه الرز النفر ب 5 ريال انا اشوف تكفي 3 اشخاص)
لذيذ الصياديه عنده والبهارات لذيذه كان يجيب سمك
ممتاز بس الحين السمك مو طازه بعض الاحيان
واسعاره شوي مبالغ فيها زي المطاعم الثانيه
هذا المطعم لو في مكان ثاني ومرتب
اتوقع يفوز في جده …
جلسات شعبية وتعتبر قهوة شعبية ومطعم اسماك .. بالنسبة للأكلات البحرية
عندهم طازجة وراح تميز الفرق لأن استخدامهم للملح والبهارات قليل ..
الأسعار مرتفعة كبقية مطاعم الأسماك في شمال جدة .. عندهم جلسات
عوائل وشباب .. والخدمة ممتازة والعمالة وجههم بشوش .. تجربة متميزة
جميع الحقوق محفوظة لموقع افضل المطاعم السعودية © 2024 - Privacy Policy - اعلن معنا