طلباتنا كانت ( سينقل برجر – دبل برجر – بطاطس)
المنيو حقهم اصلا خفيف وظريف مايتعبك وتتوتر ايش تطلب
بس لحم و يكون يا سينقل او دبل ويكون جوتو البصل والطماطم والخس والتشيز والصوص والمخلل
(والاضافات كانت هالبينو وبيكون و ماشروم والخ.. )
اللحمه كانت جوسي بطريقه محد يتخيلها ماشاءالله والاكل جاني حار
لانو جدا قريب اللحم نكهتو مرا لذيذه كانت في نكهه مطاعم كتير ماوصلو لها
واحلا شي الخبز اسمر التشيز جا سايح اظن الصور تتكلم وكفايه كدا ?
البطاطس جات بحرارتها ومبهرينها ، البابريكا ادتو نكهه جدا لذيذه
وكان عندهم بطاطس بالجبنه ماجبتو ، بس المرة الجايه اتشجعت اجيبها المطعم في حي الزهراء
الاسعار :-
السينقل 26 ريال
الدبل 36 ريال
البطاطس 6 ريال
البطاطس بالجبنه 11 ريال
المشروب 3 ريال
الاضافات :- ( تبدا من ريالين ل 4 ريال)
(هالبينو وبيكون وماشروم وبيض وتشيز زياده
اولا نبدا بالمكان .. المكان صغير نوعا ما وكان الانتظار بحدود ١٠ دقايق الى
ان تفضى طاولة و كانت اخرتها على البار .. الشباب الموجودين خدمتهم
كويسة الله يوفقهم .. وقت تحضير الطلب معقول .. ندخل على الطلب 😁
..طبعا كله لحم انجوس .. خبر البرجر بر كويس ما يحتاج .. اللحمه كويسة
و جوووسي بس دسمة و قد يكون هذا السبب في تقليل تقييمي لهم راح
تقعد تستطعم الدسم إلى بعد ما تخلص بمدة .. البطاطس عاااادية جدا ..
الاسعار لا بأس بها مقارنة بالمنافسين .. طبعا ارجع له ثاني و ربي يوفقهم 👍🏻
افضل برجر ذقته في مدينة جده و غيرها اللحم طازه و طري و الخبز جميل
جداً مع شرائح اللحم المحمر 👌🏻👌🏻100% 🎖️ السعر متوسط لاكن
يستاهل صراحه إذا أنت من محبين البرجر ولا جربته، انصحك لا تفوته ما
راح تندم. بالعافيه.
جميع الحقوق محفوظة لموقع افضل المطاعم السعودية © 2024 - Privacy Policy - اعلن معنا