اسعد الله مسائكم كيف حالكم ؟
كالعاده جبتلكم تقيم لمطعم ، بس الي غير في الموضوع انو مو مطعم جديد عليا ..
كريف من المطاعم الي اجيب منها دايما طلبت من عندهم ( سينقل برجر – دبل برجر وجبه )
السينقل سعرو ٢٠ريال بدون وجبة
والدبل وجبه ٣٥ ريال
الطلب اخد وقت شوية اتاخر بس الاكل جا حار ومتعوب عليه
.. البطاطس اتحسنت عن اول بكتير كان حبتها صغيره ونحيفه
دحين فيها تحسن وسارت احسن بكتير عن اول
البرجر اللحمه مرا لذيذه ونكهتو جيده و جوسي اخدت وقت شوية زياده على النار بس بعصارتها
الخس اتمنى يزودو شوية ، التشيز كان سايح ، وما اظن في اضافه تانيه غير الصوص الخاص بيهم
وحده من المطاعم الي دايما نجيب منها وحتكون من ضمن مطاعم البرجر المفضله عندنا ❤
الاسعار ( للوجبه ) ???
كريف سنقل وجبه25 ريال
دبل وجبه ٣٥
كريف تربل وجبه ٤٢ ريال
الاسعار (من غير وجبه)? :
كريف سنقل ساندويش ٢٠ ريال
دبل ساندويش ٣٠ ريال
تربل ساندويش ٤٠ ريال
من ضمن المنيو ??:
بطاطس ٥ ريال
بطاطس بالجبنه ٨
مشروب غازي ٢ ريال
امممم ده المطعم من اكتر المطاعم اما ينذكر البرقر في جدة لازم احد يوصي
عليه بس للاسف تجربتي الشخصية له مرة ماعكست رأي الناس فيه .
زرته مرتين تقريبا بدايات افتتاحه وزرته من اسبوع كمان ، مافي فيه اي شي مميز اللي يخليني ارجع له مرة تانية .
الخدمة كانت سريعة وممتازة ، الطاولات نظيفة ، والمنيو متنوع بس للاسف
الطعم بالنسبة لذوقي الشخصي ما ترك اثر فيا زي بعض منافسينه من مطاعم البرقر .
طلباتنا كانت :
– برقر الحلقة الاخيرة ( من المنيو السري ) ٧/١٠
للامانة كل شي في ممتاز وماعندي تعليقات سلبيه عليه بس برضه مو البرقر اللي اما آكله اقول واااااو .
– وجبة سلايدر لحم ( ٧/١٠ ) تجي قطعتين مع بطاطس
برضه طيبة ومافيها شي مميز او حاجة سلبية .
– البطاطس ( ٩/١٠ ) كان لذيذ جدا ومقرمش ومبهر صح .
بشكل عام كرأي شخصي في مطاعم برقر افضل منه بكثيييير وومميزة بس
حسب اراء اصحابي ححطوا من افضل ٥ مطاعم برقر في جدة .
جميع الحقوق محفوظة لموقع افضل المطاعم السعودية © 2024 - Privacy Policy - اعلن معنا