هذه المرة تجربتي مختلفة وكانت لمطعم جديد على ساحة جدة
اسم المطعم
منطقة الجمبري
عنوانهم
شارع الأمير سلطان – حي النهضة – بعد أبل بيز الجديد .
مطعم متخصص بالجمبري و المأكولات البحرية و يسويها على طريقتين في منيو جداً مختصر
تختار يا مقلي أو مسلوق
وتختار الأكل اللي تبغاه
وطلباتنا كانت كالتالي .
مقلي مكس : يجي فيه كاليماري و هامور و سالمون و جمبري ،، كلها مقلية ،،
البهارات والخلطة بأمانة ممتازة بس السمك ما ناسبني ،،
ممكن لو كانت الخلطة اللي عليها أسمك كان طلع أطعم ،،
بس المرة الجاية راح آخذ جمبري لحاله لأن طعمه من الآآخر ويجي معاه نوعين صوص
داينمايت صوص و تارتار صوص بخلطتهم الخاصة كمان
سعر الطلب : ٥٥ ريال .
جمبري مسلوق : نفس الصورة بالضبط ،، تجيك ١٠ قطع جمبري جامبو بداخل الكيس
ومعاها قطعة ذرة متشربة من صوص الجمبري ،، هذا الطلب جداً رائع بس عيبه الوحيد انو لغوصة
? بحكم انهم ما يعترفوا بالشوكة و السكين بس عاملين حسابهم
سعر الطلب : ٥٥ ريال .
طلبنا كمان بطاطس مقلية ببهارات حارة و طعمها كمان أكثر من رائع
سعر الطلب : ٨ ريال
المطعم جميل و يستحق الزيارة و يفتح كل يوم للشباب ماعدى الاثنين و الجمعة للعائلات فقط
وأول ما تجلس يجيبولك مريلة بلاستيك و قفازات عشان تحمي نفسك من الهجوم اللي حيسير ?
حبيت المشروع بالذات إنه صاحب المشروع هو لاعب الأهلي
وليد باخشوين
اللي عرف كيف يستثمر فلوسه صح ?? .
نشوفكم في تقرير قادم
جميع الحقوق محفوظة لموقع افضل المطاعم السعودية © 2024 - Privacy Policy - اعلن معنا