الخبر – شارع البيبسي – بعد محطة نفط (ميد) – جنب ستاربكس
مطعم متخصص في اطباق الفطور بأنواع البيض والبانكيك والوافل
بالاضافة لاطباق البيض مع اللحوم مثل الستيك والتركي والنقانق وغيرها الكثير .
المطعم اول مرة جربته في امريكا وحبيته ودخل مزاجي وتمنيت يفتح عندنا وفتح بعدها بكم سنة في البحرين
ولكن ما حبيت فرع البحرين المكان فيه زفورة ومستوى النظافة ما عجبني والحين فتح في الخبر
وكانت هذي اول زيارة لي والحمد لله اشوف مستواه ممتاز وافضل من فرع البحرين بكثير
من ناحية الاكل والنظافة والمكان .
.
الطبق الاول
اومليت الديك الرومي ،،،، 50 ريال
إضافة الفطر ،،،، 15 ريال
الاومليت حجمها كبير ومليااااانه جبن شيدر ذايب وقطع مكعبات من الديك الرومي لذيذة جدا
عجبتني درجة استواءها وذوبان الجبن .
.
يجي معها طبق جانبي تختارون ما بين الهاش براون او البانكيك او الفواكة .
.
انا اخترت الهاش براون لذيذة ومستوية بطريقة احترافية .
.
بشكل عام انصح في الطبق
الطبق الثاني
قطع ستيك السيرلوين ،،،، 74 ريال
قطع ستيك مكعبات مطبوخة مع البصل والفطر والبهارات بطريقة الكبدة ?
نوعية اللحم ممتازة وطرية وما كانت علكه .
.
يجي معها طبقين جانبيين
هاش براون وبيض بالطريقة اللي تعجبكم ولكن سادة بدون اضافات
وطبق ثالث جانبي اخترت يكون بانكيك وكان لذيذ وهش وسميك وحجمها كبير .
.
بشكل عام المطعم ممتاز وكانت تجربتي فيه ممتازة
وملاحظتي الوحيدة كانت على الاسعار حسيت انها مبالغ فيها
