كانت أول تجربة أجرب فيها هذا المطعم كوني جربت الأطباق الشعبية الماليزية لمن كنت هناك
هذا المطعم من اسمه نظن إنه بس يقدم الأكل الماليزي فقط ! لكن لا ،، عندهم أكل صيني .
.
طلباتنا كانت
روتي كاناي مع إيدام العدس والفاصوليا بنكهة الكاري : هذا الطلب يعتبر من الطلبات الشعبية في ماليزيا ،، والشعب هناك دايماً يطلبه بحكم إنه الأكلة جداً رخيصة عندهم و تشبع الواحد صراحة ،، عبارة عن خبز الشباتي الخاص فيهم مع الإيدام ،، عجبني طعمه هنا صراحة واستمتعت وأنا آكله
سعر الطلب: 15 ريال .
شوربة توم يوم: شوربة آسيوية مشهورة ودايماً تلقاها في كل المطاعم اللي تقدم الأكل الشرق آسيوي ،، وتعتبر تايلندية ،، فيها زنجبيل وليمون وأعشاب مختلفة ،، طعمها مميز عندهم بس ما أعتبرهم الأفضل في تقديمها
سعر الطلب: 35 ريال .
.
رز صيني مقلي: رز مقلي بالخضار وحاطين بيض على الطرف ،، حقيقة هذا الطلب ما ناسبني أبداً ،، الرز جانا شبه مهروس والخضار مخلوطة ببعضها وصرت ما تعرف تميز
سعر الطلب: 25 ريال .
.
جمبري بالزبدة: حبة جمبري من النوع الكبير الفاخر ،، مغطاة بالزبدة المبشورة ،، طعمه رائع ويستاهل الطلب
سعر الطلب: 55 ريال .
.
ساتيه مشكل: 6 أسياخ من الساتيه ،، لحم و دجاج ،، اللحم ممتاز و الدجاج ممتاز ،، لكن الصوص المقدم مع الأكل لا يمت بصوص الساتيه بأي صلة ،، وما عجبني حقيقة طريقتهم في عمل الصوص
سعر الطلب: 40 ريال .
بالنسبة للمشروب طلبنا آيس تي ليمون
المطعم فيه جلسات أفراد وجلسات عائلات ،، وماعندي فكرة لو عندهم بارتشن أو لا
يبغالهم شوية تحسين في جودة بعض الأطباق المقدمة وكمان تحسين في سرعة الخدمة
الغلطة اللي سووها يومها غير تأخير الطلب ،، إنو كل الطلبات جات مع بعض للأسف
