الموقع:
زيارتي كانت في ابحر الشمالية بجانب مركز رابحة – لهم فرع ثاني حي الزهراء
الكويزين:
مطعم حجمه صغير يعتمد على الاكل السريع و التيك اواي .. يقدم ساندويشات بخبز البيتا المصري بحشوات .مناسب للدوام و الجمعات
تجربتنا:
النص يجي قطعتين و الكامل ٤ قطع
ساندويش رانش الدجاج النص ١٦ ريال
دجاج سلايرد النص ١٧ ريال
فيلي اند تشيز ستيك النص ٢٣ ريال
ساندويش تونه النص ١٧ ريال
الخبز خفيف و فرش – الاكل يتسوى فرش قدامك- الصوص كثير مره لازم يتخفف او اطلبوه على جنب – الذره حسيتها اضافة مناسبه للتونه و ليس للدجاج او اللحم – الحلو تقدر تتحكم في طلبك
التعامل و الأخلاق و الخدمه ممتازه ????
عندهم خدمة توصيل ?
مطعم جميل يعتمد على الساندوتشات المحضرة بالخبز المصري الطازج
في خيارات متنوعة في المنيو يناسب جميع الاوقات من اللحم عجبني
فيليه اند تشيز ستيك و ستيك سويت اونيون و من الدجاج تشيكين اسكالوب
كان لذيذ لكن تشكن سلايدر يحتاج تحسين في النكهات بشكل عام التجربة
كانت مرضية جدا و الخدمة ممتازة و سريعة و الاسعار مقبولة مقابل الجودة
سلام عليكم هذا المكان الصراحة جميل في هدوئه جميل خدمته جميل
في طعامه جميل في نظافة المكان ، انا ادهشني روعة السندوشت
المكسيكانو شرائح لحم مع الصوص والخس الامريكي والطرشي كان مره
جميل ولا في الساندوشت اي فلسفه لحمة طازجة وضروات طازجة والخبز
النخالة اعطى جمال للساندوشت شي خيال ، وعجبني فنهم في اعداد
أنواع الصوص مثل صوص الافوكادو حبيته روعه روعه ، والمفاجئة كانت الحقيقة
في سلطة سيزر كانت اجمل سلطة سيزر طعمتها وخصوصا الاعتناء بتقطيع
الخس الامريكي قطع صغيرة بحيث تكون مناسبه لتدخل بالفم بعد وغزت الشوكه
لان فيه مكان لا أحب اذكر اسمه تضغط بالشوكه تطلع قطعه كبيرة من الخس كفيلة
بأن تبهذل وجهك بالكامل لكن بيتا باك تميزوا والدجاج ناضج وليس مقمر او ناشف
فعلا فيها روح في الدجاج رويان محتفظ بموية الدجاج وحطين قطع صغيرة من طماطم
شيري والختام من فوق رشه لجبنة البرميزان وكذا تقدر تستمتع وتعيش لحظة جميلة
، انا اعطيهم خمسة نجوم يستاهلون
جميع الحقوق محفوظة لموقع افضل المطاعم السعودية © 2024 - Privacy Policy - اعلن معنا