عنوانه: مكة ، المعابدة أو الخريق ، بجوار أمانة مكة وقصر الملك عبد العزيز التاريخي
.
آآآه يا حبيبتي الأزلية ومسقط رأسي مكة المكرمة ?
.
كنت أجمع من مصروفي المدرسي اللي كان 3 ريال ? وأروح مع السواق وأحتفل بنفسي وأشتري بروست من بيت الفروج ??
.
(من صُغري حق مطاعم?)
.
عمره كثيييييير ماشاء الله وكان أحسن بروست “بلدي” في مكة ولا يزال ليومنا هذا
.
أكيد كثير من الناس راح يقارنوه مع البيك و أنا منهم ، ومبدئياً حجم قطع الدجاج أصغر من البيك ، لكنه يتميز بنكهة مختلفة وممتعة خاصة بمن تربى وكبر معاها ?
من واقع عدة زيارات كانت النتيجة:
.
١- طلب بروست 8 قطع (دجاجة كاملة)
متوسط السعر 25 ريال
تقييمه 10/8
الوصف: قطع دجاج صغيرة عليها بهارات واضح فيها نكهة بودرة الثوم
و الدجاج نفسه فيه قرمشة خفيفة ممتعة ، وخاصة بما يكون حار فريش
والبطاطس اللي معاه تتاكل وهي حارة مع الثوم حاف
وهذي الحركة أعملها من طفولتي ? والثوم نفسه نكهته قوية
وفيه حموضة بسيطة وما فيها حرارة الثوم ،
والخبز اللي يجي معاه خبز شامي خفيف شعوره مختلف مع البروست ?
.
مع الطلب يفضل انك تاخذ صحن حمص ومستواه متوسط ومتبل كمان ? وكلهم ممتعين ومتوافقين مع البروست والخبز الشامي ? وخاصة المتبل
وكمان كيس صغير فيه مخللات مشكلة عادية ، لكن هذي التركيبة اللي عاملينها هي طقوس الناس القدامى حقين جيل الطيبين على قولتهم ?
.
ولازم تاخذ بريالين ثوم كمان وتعيييش يا معلم ?
إيجابيات:
١- المحافظة على الجودة قدر الإمكان
.
سلبيات:
١- عدم الإنتشار
٢- عدم التطوير
.
.
التقييم العام = 10/8
.
(وأنصح بتجربته بقوة)
جميع الحقوق محفوظة لموقع افضل المطاعم السعودية © 2024 - Privacy Policy - اعلن معنا