مطعم ومقهي الصافي الطائف ( الاسعار + المنيو +الموقع )

المطعم ماشاء الله مرتب ومنظم من دخلنا فيه الين سحبنا رقم وانتظرنا ما يقارب ٢٠ دقيقة في ويكند وجا دورنا لأن الجلسات الداخلية الي فيها خصوصية ( يعني ستاره محد يدخل عليك ) انتظار ، طبعاً زيارتي له كانت عشاء .. وتقيمي له كالتالي :

– ديكورات المطعم ١٠ من ١٠
– نظافة وتعقيم الجلسات ١٠ من ١٠
– العمالة الي فيه ١٠ من ١٠
– جودة الاكل ١٠ من ١٠
– السعر ٧ من ١٠ ( قهرني سعر المويه و الببسي ) خخخ
– الخدمة ٨ من ١٠ بسبب اني طلبتهم عيش وتأخروا شويتين

ايضاً لفت انتباهي لـ خواتنا السعوديات الموظفات بالمطعم ماشاء الله تبارك الله خدومات جداً ..

واخيراً وليس أخراً ان شاء الله يفتح بجدة : )

التقييم الثاني:

يستحقون أني أقول عنهم أنهم الأفضل في مدينه الطائف الى الآن..
زياره عائليه مرتين يومين متتاليين الأولى كانت عشاء والثانيه كانت قهوه وقت العصر..
الطلبات للعشاء
١-شيش طاؤوق
٢-قمبري مشوي
٣-حمص بالصنوبر
٤-بطاطا حره
٥- عصير حبحب

التقييم للأكل بشكل عام ١٠/٧..

جلسه العصر كانت جميله جداً بصراحه والجو حلو..
الطلبات:
١-قهوه عربيه
٢-كولد برو
٣-كيكه زعفران
٤- ترامسيو

التقييم للكيك ١٠/٥ ..
القهوه العربيه ١٠/٦ ..
الكولد ١٠/٧..

الجلسات والتصميم ابداع لأبعد الحدود عرف يستغل المكان وجو الطائف الحلو خصوصاً بالصيف جلسات خارجيه مفتوحه سواء بستاير او بدون وجلسات مغلقه داخليه وجلسات مطله يعني تجلس وانت مرتاح ومروق…
الطاقم الأجني ممتاز ومحترم جداً…
ملاحضه: صوت الاغاني شوي مزعج!!