مطعم باب شرقي في جدة

مطعم باب شرقي في جدة

مطعم باب شرقي في جدة

حتكلم اليوم عن مطعم جديد اسمه

باب شرقي

حسابهم ع الانستغرام

@babsharqi_sa

عنوانهم
جدة – حي السلامة – شارع اليمامة – اليمامة بلازا – بجوار كوب و كنبة و فندق سولديرتي –

كانت دعوة لطيفة من صاحب المكان لتجربة الأصناف الشرقية اللي يقوموا بتقديمها على طريقتهم الخاصة
يتميزوا دائماً بأن اللحم طازج وليس مجمد –

إيش كانت الطلبات ؟

شاورما دجاج : جيدة ومافيها زفارة بس ممكن في الأحسن من وجهة نظري
السعر للساندويتش : ٩ ريال
السعر للصحن : ٢٤ ريال –

شاورما اللحم : لو كان هذا الرمز ? يكفي للتعبير لاكتفيت به ،، بس فعلاً واحدة من أروع و ألذ شاورما لحم أكلتها ،، خفيفة بدون دهون ،، التتبيلة موزونة و أحييهم على هذا الطبق الرائع
سعر الساندويتش : ١٠ ريال
سعر الصحن : ٢٦ ريال –

عرائسي لحم : خفيفة و هشة واللحم المفروم اللي فيها كان كويس ،، حبيت الطبق
سعر الطبق : ٢٥ ريال –

صحن مشاوي مشكل : يالله ع الصحن اللي جانا ،، كباب و لحم أوصال و شيش طاووق ،، فعلاً كان رائع ،، بالنسبة لي كان فيه شيء ما حبيته وهو إنه كان حراق ،، ولمن سألنا صاحب المحل ليش حراق ،، قالنا هذا هو الصح في المشاوي و هذه طريقتهم اللي هما ماشين عليها
سعر الطبق : ٥٠ ريال –

شاورما ستيك ساندويتش لحم و دجاج : طريقة جديدة لمحبي الشاورما بالجبنة بالخبز الصامولي ،، نفس نكهة الشاورما بس مقطعة أوصال رفيعة وعليها جبنة أضافت للنكهة بعد آخر ?
سعر اللحم : ٢٢ ريال
سعر الدجاج : ٢٠ ريال –

المطعم لسا جديد وهو في فترة الافتتاح التجريبي
وكمان إذا رحتوا للمطعم لين قبل نهاية الشهر و وريتوهم هذا التقرير بتاخذ خصم ١٥٪‏ على طلبك
المكان يستحق الزيارة و التجربة

وعندهم قسم صغير للعائلات

نشوفكم في تقرير قادم

مطعم باب شرقي في جدة

لتحميل التطبيق لركن المطاعم السعودية من هنا