مطعم ذا بوتشر شوب في جدة

0

مطعم ذا بوتشر شوب في جدة

مطعم ذا بوتشر شوب في جدة

المطعم جنوب افريقي مختص باللحوم والاستيك والخ..

المطعم جدا رايق وانيق الخدمه كانت جدا ممتازة والطلب مايستغرق 15 دقيقه

من ناحيه الاسعار ايوة غالي ! بس الطعم لذيذ مرا ويستحق التجربة

ويستحق نروح ونرجع سردادي مردادي يعني بالعربي ?

الي يحبو اللحمه مرا من عشاقها دا المكان الاحسن لهم

فيه قسم عوائل وفيه قسم افراد

 

الطلبات حقتنا ريب اي وتندرلوين وضلوع وسلطه سيزر

و اللحمه المعلقه (اسبيتادا) وصح المقبلات حقتهم كانت جيده الي جابوها

?? كل شي بدون مبالغه كان رهيب ولذيذ كم اديلو ؟

اديلو 10/10 لمن يعجبني شي حديلو الي يستحقو واذا ماعجبني

ماحأعايب على النعمه ححاول اسكت ✋?

وكدا نقدر نقول انو من ناحيه السرعه والاستقبال والقعده وللعيله مكان ممتاز ومريح وهدوء

من ناحيه ترتيب الاكل والكميه والطعم كلو جيد

السعر طبعا لازم يكون مرتفع على كل دا الايجابيه

ف بس سعرو مرتفع وما اشوفو مرا سلبي على كل ايجابياتو دي غطت عليه !

وبس انشاءالله مايكون كترت كلام .


الاسعار :
سلطه سيزر 44 ريال
ريب اي 108 ريال
فيل تندرلوين 146 ريال
ضلوع 128 ريال

اللحم المعلق ( الاسبيتادا) على حسب !
اسبيتادا بقري : 108
تندر : 174
اسبيتادا دجاج : 68
غنم : 110
اسبيتادا دجاج وبقري : 156
دجاج وتندر : 218
اسبيتادا دجاج وغنم : 156

طلبنا احنا على ما اظن غنم او بقري

 

مطعم ذا بوتشر شوب في جدة

لتحميل التطبيق لركن المطاعم السعودية من هنا

[Total: 0    Average: 0/5]