مطعم آوت باك ستيك هاوس في جدة

مطعم آوت باك ستيك هاوس في جدة

مطعم آوت باك ستيك هاوس في جدة

تجربتي اليوم لعرض الغداء من أحد مطاعم الستيك في جدة

اسم المطعم
آوت باك ستيك هاوس

حسابهم ع الانستغرام
@outback_ksa

عنوانهم
جدة – شارع الأمير محمد بن عبدالعزيز ( التحلية ) – تياترو مول .


المشكلة الكبرى وقت الغداء و وقت البريك لمن تدور تتغدى شيء مميز ويكون اقتصادي

فالخيارات قدامك كثيرة و هذه المرة جا في بالنا نجرب عرض الغداء في مطعم آوت باك

وهذه كانت تجربتنا .

عرض الغداء عندهم يبدأ من ٣٣ ريال من الأحد للخميس من ١ الظهر لين ٤ العصر

ويعتمد السعر على حسب الوجبة المطلوبة
يقدموا معاها شوربة اليوم و خبز البوشمان و مشروب غازي أو آيس تي

وطلباتنا كانت ع النحو التالي .
.

شوربة اليوم ( سويت أونيون ) : من المحلات القليلة اللي يزبطوا شوربة البصل

ورشة الجبنة فوق الشوربة أعطتها نكهة جميلة ،، هذا الطلب مناسب لمحبي البصل

? وكان عندهم اختيار ثاني وهو شوربة الخضار حسيتها عادية .
.

مكعبات اللحم البقري مع الفطر : طلبتها ميديم ول ( نص استواء ) ،،

وهي عبارة عن قطع الستيك الطرية المتبلة مشوية ومغطاة بصوص الفطر ( ديمي جلاذ ) ،،

يقدم مع طبق جانبي من اختيارك وانا اخترت البطاطا المهروسة ،، الاختيار كان ممتاز ،،

اللحم كان طري و لذيذ ??
سعر الطلب : ٥٥ ريال .
.

سيراليون مع صلصة البيبركورن : طلبناها ول دن ( استواء كامل )

مناسبة لمحبي اللحم المستوي بالكامل ،، وهو عبارة عن لحم السيراليون الخاص

مغطى بصوص الفلفل الأسود تقدم مع بطاطس الأوسي ،،

الطلب كويس بس حبيت المكعبات أكثر
سعر الطلب : ٥٥ ريال .
.

عندهم قائمة نازلة جديدة لفترة محدودة جربت منها

فولكانو شريمب كريسبي : داينامايت شريمب بطريقتهم الخاصة ،،

عجبني بس كان حار زيادة عن اللزوم ،، طعمه لذيذ و الصوص المستخدم موزون ،، يستاهل تجربه ?
سعر الطلب : ٥٥ ريال .

بالنسبة للحلا طلبنا كان شوكليت ثاندر فروم داون أندر:قطعة براوني غنية بجوز البيكان

مغطاة بآيس كريم الفانيلا الغني ، ومزينة بصوص الشوكولاتة الدافئة

والشوكولاتة المبشورة و الكريمة المخفوقة ،، ما عجبني الحلا بكل أمانة عشان جوز البيكان

ممكن لو كان بدونه كان طلع أطعم
سعر الطلب : ٤٩ ريال ( غير مشمول في عرض الغداء ) .
.

المهم إنو دورنا ع التوفير لقينا نفسنا طالعين ودافعين ٢٢٤ ريال ?

المطعم جميل وعندهم قسم أفراد و قسم عائلات و ما أدري لو كان عندهم بارتشن للعائلات .
.

نشوفكم في تقرير قادم

 

مطعم آوت باك ستيك هاوس في جدة

لتحميل التطبيق لركن المطاعم السعودية من هنا

[Total: 0    Average: 0/5]

Reply