اليوم كانت زيارتنا لمطعم “ساوث ستريت” في شارع الامير سلطان
الطلبات كانت
٥ برجر سنجل المعرروف عندهم
اصابع حاره ، ساندوتش فيلادفيا ، و وجبتين لطفلين
البرجر صراحه مره لذييذ بالنسبالي اطعم برجر في جده اعطيه ١٠/١٠
و البطاطسس ٨/١٠
البيبسي سعرو لحالو ما يجي مع الوجبه بس بطاطس و برجر
الفيلادفيا١٠/١٠ جداً لذيذ
و حسابنا كان ٣٠٠ وشي تتكر الزياره و سعرو جدا مناسب
الأكل ممتاز جدا و طعم حقيقي مميز و كرات اللحم العملاقة هي
طلبي المفضل، لكن انزعجت مرة لانه صار في تصوير برنامج كاميرا خفية
. و لكنهم مهتمين جدا بالعميل و في مرة جيتهم في رمضان الوقت متاخر
و قفلوا و خرجوا و الموظفين في الباص ، قلت لهم لا تخلوني اروح لمطاعم
الوجبات السريعة ، لو في شيء ممكن يتجهز بسرعة اي شيء ، نزلو كل
الموظفين للمطعم و فتحوا الأنوار و خلوني اطلب اللي ابغاه بدون تحفظ و
قالولي اجلس و خد راحتك و لما جيت ادفع الفاتورة حاولت اكافئهم لكنهم
رفضوا تماما اي مبلغ. والله احرجوني بكرمهم !!!
وجبة ساوث ستريت برجر لحم هيا المفضله عندي مع طبق سلطه بالذره
يا سلام عندهم ميزه في هذي الوجبه اللحمه مهي دسمه مره يعني بعد
ما تخلص اكل وتمشي ما تحس انك اجرمت في حق بطنك بالعكس طيبه
و ظريفه ارجو انهم يضيفو بطاطس مقليه عاديه ومقشره بدال الي بتجي
مع الوجبه حاليا بالقشر ما تعجبني وبالسبه للسعر يعتبر متوسط بين منافسينه
جميع الحقوق محفوظة لموقع افضل المطاعم السعودية © 2024 - Privacy Policy - اعلن معنا