تقييم المطعم
ياريت تنشر بدون ذكر الاسم تقييمي لمطعم ( صحتين )
في العزيزيه جنب عمو حمزه و هرمان
رحنا ع الساعه ٢ الظهر
المكان شبهه خالي في قسم العوائل و الطلب ما اخذ وقت طويل :
طلباتنا كانت – شوربه عدس بـ٦ ريال أعطيها ١٠/٩ لزيزه و تقيله و طعمها حلو . – سلطه سيزر بـ ١٤ ريال أعطيها ١٠/٧ عاديه مافيها شي و الصوص خفيييييف ما تستطعم النكهه فيه.
– كبه دجاج مقليه بـ١٠ريال أعطيها ١٠/٨ واضح من الصوره انها محروقة من برا لكن من جوه نكهتها حلوه و مافيها طعم حرق .
– ستيك بالبهار بـ ٣٥ أعطيه ١٠/٨
لزييييييز و نكهه البهار واضحه و حجم الاستيك كويس و سهله التقطيع لكن اللي نقص من تقييمه انه وصل بارد .
– دايناميت شرمب بـ٣٨ريال أعطيه ١٠/٩ لزيز و الصوص مناسب و كميته كافيه .
– ١ بيبسي و ١ عصير مانجو معلب مو فرش .
و ان شاء الله لنا زياره تانيه و نجرب أطباق تانيه نشوفكم على خير .
تغطيه متابعين المطعم (1)
عن نفسي جربت المكان اكثر من مرة .. النظافة جيدة ومكان فيه خصوصية .. والاكل للان يعتبر الذ مطعم دخلته في مكة
( مقارنة بمطاعم جدة تعتبر اللي في مكة ولا شي ) .. شوربة العدس عندهم شي لا يقاوم .. بالنسبة للنظافة انا صراحة في اي مطعم ما ارتاح لنظافة الصحون الملاعق وكذا اكون جايبة معاي بلاستك اكل فيهم .. بس للامانة اكلهم طيب جد
تغطية متابعين المطعم (2)
والله اكلهم لذييذ وكثير ويشبع بس المكان ضييق والاضاءة مررره مهي حلوه لازم يزيدون الاضاءة
